Проектот “Создади книга” на ЕВН ja создаде првата збирка раскази
Објавено во: Мои пари 15 Декември, 2014
ЕВН Македонија денеска ја промовираше првата збирка раскази како дел од проектот “Создади книга”, проект од областа на општествената одговорност за поддршка на македонската литература и поттикнување на читањето.
Во првата фаза од проектот, корисниците заедно со ЕВН Македонија ќе им помогнат на домашните автори да ги објават своите досега необјавени раскази во нови книги.
Сите корисници кои ќе се пријават за услугата е-фактура, создаваат страници од нова книга. Наместо ЕВН Македонија да доставува печатени сметки до корисниците, тие ги добиваат по електронска пошта, а хартијата што се заштедува станува дел од книга раскази од македонски автори кои немале можност да ги објават досега.
Благодарение на досегашните корисници на е-фактура, подготвено е првото издание во кое на 135 страни се раскажани 15 раскази од авторите Ана Стојаноска, Дарјан Раденковиќ, Оливера Ќорвезироска, Петар Андоновски и Михаил Ренџов.
Авторите Стојаноска, Раденковиќ и Андоновски на промоцијата на своите првенчиња ја поздравија определбата на ЕВН да ја поттикне македонската литература и читањето.
„Со зголемувањето на бројот на нови пријавени корисници за е-фактура, очекуваме да издадеме и нови збирки од други автори со што македонската литература ќе биде збогатена со нови дела и творештва“, изјави Ленче Карпузовска, менаџер за комуникации во ЕВН Македонија.
Сите корисници можат да се придружат на оваа голема акција, со тоа што треба да се пријават за е-фактура. Пријавувањето е брзо и едноставно и можете да го направите веднаш на веб страната www.evn.mk. Во следниве две недели, сите заинтересирани корисници може да го посетат и „Skopje City Mall“ каде што ќе можат да се пријават за услугата е-фактура без да чекаат ред. Повеќе за проектот, во текот на наредниот период ќе може да прочитате на сајтот raskazi.mk.
Можеби ќе ве интересира
ПРВПАТ ВО „АЏИБАДЕМ СИСТИНА“ ИЗВРШЕНИ 2 КОХЛЕАРНИ ИМПЛАНТАЦИИ КАЈ ПАЦИЕНТИ СО ВРОДЕНА ГЛУВОСТ И ОШТЕТУВАЊЕ НА СЛУХ
НЛБ е рангирана меѓу најдобрите компании со признанија за ЕСГ во рамките на индустријата и регионот
ВАУЧЕРИ ОД 200 ЕВРА ЗА НАЈДОБРИТЕ РАБОТНИЦИ НА „SPORT LIFE“
Јавен повик за поднесување на понуди за извршување на работи на меѓународниот проект „Подобрување на проекти за енергетска ефикасност во јавни згради“
КУМАНОВО СЛАВИ: ИГРАЧ ОСВОИ 6.030.167 ДЕНАРИ СО СУПЕР МИЛИОНЕР ЏЕКПОТ
Хрватска: Еден од најдобрите работодавачи во областа на туризмот бара лица кои би се вработиле во новото луксузно одморалиште
ATS Group ги претстави своите иновации на SHOT Show 2025
Телеком со проект за паметно осветлување во општина Велес, кој ќе обезбеди заштеди на енергија и заштита на животната средина
Заштедете и набавете го својот уред по специјална цена денес
