Промени кај минималниот тарифен модел на Македонски Телеком

Добивај вести на Viber

Македонски Телеком а.д. Скопје како давател на универзална услуга којшто ги следи законските регулативи, ќе нуди изменет минимален тарифен модел.Изменетиот модел корисникот ќе го добие за месечен надомест од 259,60 денари со вклучен ДДВ. Новиот минимален тарифен модел ќе нема лимит над кој повиците се поскапи, а месечниот надомест и останатите карактеристики остануваат непроменети, соопшти денеска Македонски Телеком. Минималниот пакет ќе им биде достапен на претплатниците кои исполнуваат еден од утврдените критериуми, а по претходно доставен документ дека се постари од 70 години, пензионери со примања до 10.000 денари, самохрани родители, семејство со повеќе од 3 деца, невработени (барем еден во семејството), како и семејство со ниски приходи. За сите претплатници кои досега го користеа минималниот тарифен модел, а не ги исполнуваат условите за да продолжат со негово користење, Македонски Телеком го нуди новиот тарифен модел, Call Mini. Месечниот надомест на новиот Call Mini тарифен модел ќе изнесува 319 денари со вклучен ДДВ. И двата тарифни модели се наменети за приватни корисници и се достапни на телефонска линија со еден говорен канал со договор на неопределено време. Сите корисници кои не ги исполнуваат условите за користење на модифицираниот минимален тарифен модел, треба најдоцна до 3 јануари следната година да мигрираат на некој од постојните тарифни модели или во новиот Call Mini. По истекот на тој период Македонски Телеком тие корисници ќе ги префрли по службена должност во новиот тарифен модел Call Mini. Повеќе информации корисниците можат да добијат во продажните салони или на бесплатниот број 171.