Промоција на постдипломските студии на Универзитетот Американ Колеџ Скопје

Добивај вести на Viber

Универзитетот Американ Колеџ Скопје денеска ги промовира новите програми за постдипломски студии во учебната 2014/2015 година, можностите за добивање МБА стипендии, како и информациите за започнување на докторските студии. Универзитетот Американ Колеџ Скопје нуди бројни можности за постдипломски студии преку висококвалитетни наставни програми, реализирани од реномиран стручен кадар. При тоа, оваа образовна институција овозможува на своите студенти да го надградат своето академско знаење и нуди унапредување во кариерата, како и можност да станат дел од научно – истражувачката заедница. Околу 1.000 активни додипломци и постдипломци и повеќе од 2.000 дипломирани и магистранти се доказ за успешната работа на Факултетите од Американ Колеџ, информираат од факултетот. По тој повод, вечерва во  Сити Хол – Скопје, вечерва со почеток во 19:00 часот ќе се одржи презентација на целосната образовна програма на Американ Колеџ, на која Д-р Марјан Бојаџиев, Ректор на Универзитетот Американ Колеџ Скопје ќе се обрати на присутните. Покрај можноста да бидат информирани за програмите од постдипломските студии, присутните гости, професори, претставници на бизнис заедницата и идни академски граѓани ќе слушнат и детали за можностите за добивање стипендии, како и за сите поволности за компаниите и организациите од Деловниот совет на Универзитетот Американ Колеџ Скопје.