ПРОТЕСТИ ЈА ТРЕСАТ УЛИЦАТА КАЈ ВЛАДА: Охисовци си ги бараат платите

Добивај вести на Viber

Во моментов улицата непосредно пред Влада на РМ е затворена за сообраќај.

Таму екс вработени во Охис се собраа повторно да си ги бараат платите кои не им се исплатени.

Според нивни зборови, се работи за 24 задоцнети плати а ним им ги должи  поранешниот комбинат откако влезе во стечај. Ова е втор протест на стечајците во рок од десет дена а пред помалку од еден мецес поранешните вработени се мобилизираа и излегоа на протест пред ССМ откако добиле дојава дека државата нема намера да им исплаќа за брзо време заостанати плати, иако изминатиот период дел од комбинатот беше продаден за 7,1 милиони евра.

Тогаш стечајците најавија: „ќе лупаме по тенџериња и ќе палиме ако нема слух за нашите барања да ни се исплатат платите што ни ги должат“.

Охисовци велат дека наводно во план е средствата да се искористат за чистење на токсичниот линдан од дворот на Охис.

На почетокот на годинава беше објавено дека Охис е продаден на фирмата „Хемиски инжинеринг“ која плати 7,1 милион евра за дел од имотот кој не беше продаден во извршни постапки. Во Централниот регистер стои дека позади „Хемиски инженеринг“ стои извесен Горјан Максимовски и компанија од Јужноафриканската република „Стил ен прешур инженеринг“ (Steel and preassure engineering).