Проценителите добија лиценци,ама нема да бидат недопирливи!

Добивај вести на Viber

Над 60 проценители добија лиценци од Министерството за економија за вршење процена  на трговски друштва, јавни претпријатија и други правни лица, машини и опрема, подвижни предмети и во областа на индустриската сопственост.

До Министерството за економија за обука  досега се обратиле 420 кандидати, а над 300 поминале стручен испит. Покрај обука и испити за да можат да работат  проценителите треба да регистрираат друштво за процена или трговец поединец. Министерот за економија Ваљон Сарачини смета дека со новата регулатива и обуката  и испитите, проценителската дејност е доближиена до стандардите и праксата во развиените пазарни економии, Според Сарачини, од особена важност е и воведената можност за ревизија на извршена процена, во случај странката што нарачала процена да не е задоволна од  услугата. За таа цел предвидено е формирање посебна комисија што ќе има задача да оцени дали процената е изработена по усвоените методологии и меѓународни стандарди за процена. Доколку оценката на комисијата биде негативна, односно се оцени дека процената не е  во согласност со наведените стандарди, следува соодветна санкција за проценителот, појасни Сарачини. Најголем обем на работа во проценителската деност, односно 92 проценти, според проценители, има со банките по основ на хипотеки  за добивање кредити. Претежно се става под залог недвижен имот, но и машини и транспортни средства.