Пругата кон Бугарија сепак ќе се гради во 2021
Објавено во: Економија 01 Декември, 2020
Владата не се откажува од изградбата на пруга кон Бугарија.
Повеќе од половина милијарда евра ќе чини пругата кон источниот сосед. Министерот за транспорт и врски, Благој Бочварски вели дека оваа сума не е голема затоа што се работи за важен проект за двете земји.
„За првите две фази сакаме да распишеме еден тендер и притоа да избереме изведувач. Посакуваме тоа да биде силен изведувач којшто ќе може да се зафати и да ги работи овие работи. Се работи за комплексна пруга. Само за втората и третата делница треба да бидат изградени 91 мост и 32 тунели. Самиот граничен премин се наоѓа во тунелот. Се работи за сериозен проект од околу 600 милиони евра коишто треба да бидат наш приоритет и во наредниот период, пред се, и за развојот на добрососедските односи и за развој на инфраструктурата“, наведе Бочварски.
Засега пругата до Бугарија е стопирана затоа што фирмата изведувач се откажа од проектот.