Путин се појави во Санкт Петербург

Добивај вести на Viber

Авионот на рускиот претседател Владимир Путин слетал во Санкт Петербург.

ТУ-204 од претседателската флота со патен број RA- 64504 се приземјил на аеродромот „полкови“ денес. Информацијата е потврдена за сајтот „Фонтанка“ од прес-центарот на аеродромот.

Од програмата на предвидена за денеска во Санкт-Петербург Владимир Путин ќе оствари средба со претседателот на Киргистан Алмазбеко Атамбаев.

Малку подоцна „ТАСС“ соопшти дека средбата меѓу двајцата претседатели, која е втора од почетокот на годината, е започната во Константиновската палата.

Претходно денеска Кремљ потврди дека средбата ќе се одржи според планот. Вчера прес секретарот на претседателот Дмитриј Песков уште еднаш одби да даде коментар за здравствената состојба на шефот на државата.

За последен пат 62-годишниот руски претседател Владимир Путин се појави јавно на 5 март на прес-конференција со италијанскиот премиер Матео Рензо.

Минатата недела тој откажа серија од планираните настани, вклучувајќи ја и посета на Казахстан и планираното потпишување на договор за сојуз со Јужна Осетија. Со исчезнувањето на Путин предизвика голем број шпекулации и претпоставки - од гласини за државен удар, до загриженост за здравствената состојба на рускиот претседател до жолти информации, вклучувајќи за тоа дека присуствувал на раѓањето на свој син од гимнастичарка Алина Кабаева во швајцарска болница.

„Исчезнувањето“ на Путин се совпадна со излегувањето на пропагандниот филм „Крим. Патот кон татковината“ на телевизијата "Русија - 1"