Путин: Укинувањето на гас на истокот од Украина мириса на геноцид

Добивај вести на Viber

Гаспром не ги прекршил условите на договорот за испорака на гас преку контролните пунктови на истокот од Украина, вели рускиот претседател Путин. Тој предупредува дека исклучувањето на дотокот на гас на истокот од Укриана „мириса на геноцид“.

Истакнал дека од однапред платениот гас на Украина, од тој енергент и останале уште за три-четири дена, и доколку не стигне уплатата, испораките ќе бидат прекинати.

Како што вели, Русија се надева дека до крајни мерки во транзитот на гас во Европа нема да дојде и дека тоа зависи од финансиската дисциплина на Киев.

„Јасно ни е дека, повикувајќи се на наводно оштетување на гасоводот, Киев го прекинал снабдевањето со гас во Луганската и Доњецката област“, укажал Путин.

Во исто време, „Гаспром“ го почитува договорот потпишан уште во 2009 година и дополната од октомври минатата година, рекол претседателот на Русија.

Во согласнот со тој договор, во рамки на авансно платениот гас, се испорачува гас во Украина во количини кои и се потребни“, објаснил Путин.

Според неговите зборови, во тие договори се споменати и контролните пукнтови. Путин, вели дека е уверен дека „Гаспром“ не крши ништо.

„Што се однесува до оштетувањето на гасоводот, не ми е познато, но знам дека во тие региони живеат околу четири и пол милиони луѓе. Замислете тие луѓе да останат без снабдевање со гас во зимскиот период. И не само тоа, туку и глад - и ОБСЕ констатира дека таму има хуманитарна катастрофа и уште да им го исклучат гасот. Исклучувањето на дотокот на гас на истокот од Украина мириса на геноцид“, рекол Путин.