РАЦИЈА ВО ГЕРМАНИЈА: Koj e уапсен?
Објавено во: Свет 14 Декември, 2017
Германски обвинители соопштија дека рациите, во кои учествувале 130 полицајци, се дел од истрагата против четири лица осомничени дека се членови на „Исламска држава“ или подготвуваат напади.
Полицијата денеска изврши претрес на девет локации во Берлин и во сојузната држава Саксонија-Анхалт.
Обвинителите веруваат дека двајца осомничени од Берлин пред една година се приклучиле на џихадистите во Сирија и Ирак, а третиот поминал низ воена обука на „Исламската држава“. Сите тројца, се претпоставува дека се наоѓаат на територија, која е под контрола на ИД.
Четврто лице е осомничено дека им помагало со тоа што ги возело до аеродромот.
Обвинителство не ги објави имињата на осомничените, ниту ги коментира наводите во весникот „Берлинер цајтунг“ дека тие се поврзани со Анис Амри од Тунис кој уби 12 луѓе со камион на Божикниот саем лани.