Ракометна легенда превзеде компанија што му продава јаглен на АД ЕСМ
Објавено во: Економија 23 Август, 2022
Во период кога има „интензивни“ промени во фирмите кои го снабдуваат РЕК Битола со јаглен од странство, нов сопственик на една од нив стана ракометната легенда Ристо Чокрев.
Најголемата клупска легенда на РК Металург стана сопственик на Енергија Икс, компанија која на претходниот јавен повик за набавка на јаглен за потребите на АД ЕСМ, односно на РЕК Битола набави 50.000 тони јаглен од Албанија за договор вреден 3,25 милиони евра.
Ристо Чокрев, популарен во спортската јавност и како Чокре, станува сопственик на местото на Ана Христовска од Скопје, која пак досега беше косопственичка на оваа фирма со Аљибер Ибраими од Мала Речица. Ибраими е сопственик и на втората скопска компанија која набавува јаглен за РЕК Битола - Куантум Солушнс, заедно со Лазар Кимов. Куантум Солушнс набави 100.000 тони јаглен од Грција за 6,3 милиони евра. За ова подоцна АД ЕСМ реагираше дека нема ништо спорно ако еден ист човек е газда на две фирми кои добиле договор за јавна набавка.
Може слободно да се каже дека меѓу овие скопски компании и сопственици можеби најпознат во јавноста е Чокрев. Фирмите, според претходни медиумски натписи, се основани оваа година. АД ЕСМ дотогаш во своето производство на електрична енергија не се потпираше на увоз на јаглен од странство, туку пред енергетската криза генерално вршеше ископ со помош на приватни оператори и увезуваше електрична енергија.
Чокрев ни ја потврди информацијата, но не беше расположен да даде изјава за тоа дали Енергија Икс ќе учествува на тековниот повик за набавка на јаглен за потребите на РЕК Битола и РЕК Осломеј за 950.000 тони јаглен. Ни одговори дека тукушто станал управител и дека се нашол затекнат.
Чокрев повеќе од 40 години, од кои 20 како играч и нешто повеќе од 20 години во раководните структури, има минато во тимот на РК Металург. Кога тој беше претседател на клубот, Металург на два пати се пласираше во четвртина-финалето од елитното европско натпреварување Лигата на Шампионите. Во 2015 си замина од функцијата откако екипата се соочи со финансиски проблеми.
Александар Кузмановски
Можеби ќе ве интересира
МАКЕДОНЦИТЕ „НАГАЗИЛЕ“ НА КУПУВАЊЕ НОВИ КОЛИ, А ПРОФИТОТ „НАГРНА“ НА „АУТОМАКЕДОНИЈА“ - еве како се зголемува добивката за 46 проценти
БЛАГИТЕ ЗИМИ НОСАТ ПРОМЕНИ ВО НАВИКИТЕ: Тешко се продаваат дебели капути, јакни, но и длабоките чизми заостануваат
ВО ФОЛКСВАГЕН ПЛАТИТЕ ОДАТ ДО 10 ИЛЈАДИ ЕВРА: Ова е деталната листа на плати по професија во фабриката која се распаѓа
ДОБРА ВЕСТ ЗА ЦРНОГОРСКИТЕ РАБОТНИЦИ: Се зголеми просечната плата
Директорот на „Пошта“ бара 5 милиони евра помош од Владата
ФРИШОПОТ ХАЕИНЕМАН ВО ГЕВГЕЛИЈА СИТИ МОЛ: Бизнисменот Николовски открива детали во „Бизнис муабети“ на Фактор
ПОТВРДЕН НОВ СЛУЧАЈ НА ПТИЧЈИ ГРИП ВО ЗЛОКУЌАНИ: АХВ издаде и решение за заштитни мерки за болеста син јазик
НЕМА МАГИЈА, ИМА САМО ЗДРАВО И СТЕГНАТО РАБОТЕЊЕ - како УСЈЕ достигна профит од 25 милиони евра за девет месеци
