Раст на БДП од 2,9%, градежништвото пораснало над 36%!

Добивај вести на Viber

Според податоците објавени денеска од Државниот завод за статистика, бруто-домашниот производ во Македонија за првиот квартал годинава има раст од 2,9 проценти во однос на истиот период лани. Според ДЗС пораст има во повеќето сектори, а главна причина за растот во првиот квартал е развојот на градежништво, чии активности се зголемиле за 36,8 отсто. Притоа раст има и во секторите сообраќај, складирање и врски од 2,5 проценти и финансиско посредување,  активности во врска со недвижен имот, изнајмување и деловни активности и други комунални, општи и лични услужни активности за 2,5 проценти. Финалната потрошувачка на домаќинствата, вклучувајќи ги непрофитните институции кои им служат на домаќинствата, во однос на истиот период минатата година, номинално расте за 2,1 проценти, а нејзиното учество во струкурата на БДП изнесува 79,3 проценти. Номинално е пораснат и извозот на стоки и услуги за 0,2 проценти, а увозот на стоки и услуги бележи намалување од 3,1 процент. Табела: Бруто-домашен производ според расходниот метод, волуменски индекси