Добивај вести на Viber
Наспроти очекувањата, времето само го зголемува незадоволството на луѓето за капиталните споменици и згради во центарот на Скопје, стои во заклучоците од анкетата на Брима Галуп, спроведена минатиот месец на територијата на цела Македонија.
Исклучително високи 42.7% од анкетираните имаат многу негативно мислење за проектот, а донекаде негативно мислење имаат 15.1%,што значи дека вкупно 57.8% имаат негативно мислење за Скопје 2014. На другата страна се 10.9% од испитаниците со многу позитивна оценка за проектот и 15.5% со донекаде позитивна, или вкупно 26.4% од граѓаните имаат позитивно мислење за проектот. Воздржани се 15.8 % од граѓаните.
Ако се анализираат одговорите на испитаниците според етничката припадност, тогаш незадоволството кај албанците од „Скопје 2014“ е далеку поголемо отколку кај македонците. Истражувањето покажало дека 88,6% од албанците се против проектот, а само 3,3% го одобруваат. Од друга страна 48,1 % од Македонците со останатите заедници, дале негативен одговор за проектот наспроти 33,7 кои се изјасниле како задоволни од новите градби во Скопје.
Истражување било спроведено во периодот помеѓу 30-ти август и 4-ти септември на репрезентативен примерок од 1165 испитаници.