Расте продажбата на нови станови во Кина, најскапи се оние на исток

Добивај вести на Viber

Цените на новите станови во Кина во октомври се растат веќе петти месец по ред пред се поради заживувањето на побарувашката, пренесува Блумберг. Минатиот месец цените се зголемија за 0,17% во однос на септември и стигнаа до 8 768 јуани за метар квадратен(1 405 долари), покажуваат податоците од најголемиот сајт за недвижности во земјата „SouFun Holdings“. Темпото на зголемување на цените на новите станови во октомври бил ист како во септември. Сепак, на годишна основа има намалување од 1%. Според податоците на Националното статистичко биро на Кина, во септември продажбата на станови се зголемила за 20% во однос на август, со што се остварил профит од 540,4 милијарди јуани. „Пазарот се развива здраво, со скромен раст на цените и продажбата", коментира Џонсон Ху, аналитичар на пазарот на имот од „CIMB-GK Securities Research“и додава дека токму тоа го планирала Владата. Податоците на „SouFun Holdings“ покажуваат дека во октомври најмногу поскапеле новите станови изградени во градот Унджоу во источна Кина и тоа за 3,7%.