РЕАКЦИИ ПО ПРЕСУДАТА ЗА МЛАДИЌ: За едни патриот, за други злосторник
Објавено во: Балкан 22 Ноември, 2017
По пресудата за доживотна казна затвор за командантот на војската на босанските Срби Ратко Младиќ имаше реакции во регионот, но и пошироко.
Хашкиот суд немаше цел да постигне помирување туку да докаже дека Србите се единствени виновници во претходните граѓански војни на просторот на поранешна Југославија, изјави српскиот шеф на дипломатијата, Ивица Дачиќ.
„Хашкиот суд го завршува своето постоење на истиот начин на кој цело време постоеше, а тоа е дека немаше за цел да постигне меѓусебно помирување туку да докаже дека Србите биле виновни и дека тие се единствени виновници во претходните граѓански војни на просторот на поранешна Југославија“- рече Дачиќ за „Танјуг“.
Српскиот претседател Александар Вучиќ денеска изјави дека доживотната казна на Меѓународниот трибунал во Хаг против генералот Ратко Младиќ за геноцид била очекувана, но може да биде обжалена.
Претседателот на Република Српска, Милорад Додик изјави дека за српскиот народ, генералот Ратко Младиќ е вистински херој и патриот.
Членот на претседателството на Босна и Херцеговина, Бакир Изетбеговиќ, по повод пресудата изрази надеж дека таа ќе донесе освестување. Тој додаде дека е уверен дека мнозинство босански Срби не се поистоветуваат со Ратко Младиќ и дека не ги оправдуваат неговите дела.
Во своето обраќање Изетбеговиќ уште еднаш ги повтори сите точки од обвинението по кои Младиќ е осуден на доживотна казна затвор нагласувајќи дека тоа го прави намерно за сите да се соочат со тоа.
„Судијата рече дека Младиќ во светот ќе остане запаметен како злосторник. Изразувам длабоко сочувство со жртвите на здружениот злосторнички акт во кој Младиќ беше извршителот“- рече Изетбеговиќ.
Британскиот шеф на дипломатијата Борис Џонсон изјави дека пресудата за Ратко Младиќ покажува дека сторителите на ужасни злосторства не можат да побегнат од правдата.Можеби ќе ве интересира
СТИГНА ПРВАТА ДОЛГОРОЧНА ПРОГНОЗА ЗА ЕСЕНТА 2024 - еве што нѐ чека после најтоплото лето во последните 100 години
„ИМ БОДЕ ОЧИ“ – ПЛАТАТА НА ПЛЕНКОВИЌ МЕЃУ НАЈВИСОКИТЕ ВО ЕУ: Еве колку зема сега откако вчера си ја покачи за 70 отсто
СТРАШНА ЕКСПЛОЗИЈА ЈА ПОТРЕСЕ БУГАРИЈА: изгоре магацин со огномет во Елин Пелин, има повредени (ВИДЕО)
ЗАВРШИ ДРАМАТА НА ХРВАТСКОТО КРАЈБРЕЖЈЕ: „Оливер“ успешно вплови иако доцнеше со часови (ВИДЕО)
РАБОТЕЛ КАКО СЕЗОНСКИ РАБОТНИК ВО ЛУКСУЗЕН РЕСТОРАН ВО ХРВАТСКА: Му ја намалиле саатницата, бил сместен со 7 работници во една соба, еве го неговот искуство
Американската банка Меркур ја вклучи Хрватска во „забранетите земји“, заедно со Северна Кореја, Авганистан, Куба и Иран
ХОРОР НА ЈАДРАНОТ, КАКО ЗАБАВА СЕ ПРЕТВОРИ ВО ДРАМА: Пропелер ѝ ја откинал ногата на жена, итно префрлена во болница
СИТЕ НЕДВИЖНОСТИ НА ТИТО: Една му била особено драга, еве што се случува со неговиот имот сега
ШТО Е АКИРА – ОД 250 „ЖРТВИ“ ИЗВЛЕКЛЕ 42 МИЛИОНИ ДОЛАРИ: „Ова е нивната тактика“
