Реисот му испрати поддршка на саудискиот крал
Објавено во: Македонија 24 Октомври, 2018
Реисот на ИВЗ на Македонија Сулејман Реџепи му испратил писмо писмо како поддршка до кралот на Саудиска Арабија откако политичкиот врв на оваа земја западна во голема криза по убиството на новинарот Кашоги, објави МКД.
„Ваше височество, овие денови слушаме вести дека сaканото големо кралство минува низ тешка ситуација од сплеткари и мразачи кои се собрале да им наштетат на кралството на Саудиска Арабија. Но, семоќниот Алах е најдобар заштитник и во ова нема двоумење, бидејќи Саудиска Арабија е извор на две божји објави, Книгата на Алах и Сунетот на неговит пратеник. Од основањето на кралството од кралот Абдулазиз бин Абдулрахман, Алах да му се смилува, кралството го следи умерениот пат, посебно вашето височество крал Салман бин Абдулазиз и престолонаследникот принцот Мохамед бин Салман, Алах да ги заштити. Ваше височество, служителу на двете свети џамии, примете ги најдобрите и најскапите честитики од мое име како претседател на Исламската заедница во Репубика Македонија, честитки на муслиманите на нашата земја за доприносот на кралството на Саудиска Арабија предводена од вашето височество, крал Салман Бин Абдулазиз Ал Сауд и престолонаследникот принцот Мухамед бин Салман, Алах да ги заштити, за исламот и муслиманите во сите земји во светот, особено на континуирана поддршка на нашата земја и нашиот народ, голема благодарност до вас“, пишува во писмото на Сулејман ефенди Реџепи до кралот на Саудиска Арабија.
Новинарот Кашоги на 2 октомври влегол во конузлатот на Саудиска Арабија во Турција, но од таму не излегол. Турските служби сметаат дека саудискиот новинар е ликвидиран поради неговиот критичен став кон саудискиот принц.