„Рочиштата може да се одржуваат и на далечина“: Предлог законот за парнична постапка повторно во собраниска процедура
Објавено во: Македонија 02 Септември, 2024
Предлог Законот за парничната постапка денеска на дневен ред на Комисијата за политички систем и односи меѓу заедниците, соопштуваат од Министерството за правда, од каде дополнуваат дека по неколку годишна блокада, Предлог законот за парнична постапка повторно е во собраниска процедура.
- Тој има за цел да се уредат прашањата кои создаваа проблеми во примената на законот (вешачењето, доставата, забрзување на постапката во споровите од мала вредност и др.), а беа констатирани од сите засегнати страни - информираат денеска од Министерството за правда.
Со Предлог законот, кој денеска е на дневен ред на собраниската Комисија за политички систем и односи меѓу заедниците, се предвидува намалување на висината на паричната казна за учесниците во постапката, во согласност со генералната определба на Владата за намалување на казните, се усогласува поднесокот во електронска форма, се поедноставува електронската достава во согласност со релевантните законски одредби за електронско работење во државата.
- Новина е пропишувањето на постапка за заштита на колективните интереси и права со што им се овозможува на здруженија, фондации, установи или други организации кои се основани во согласност со закон и кои во рамките на својата регистрирана или со закон определена дејност се занимаваат со заштита на колективни интереси и права утврдени со закон, да можат, кога такво овластување им е изречно дадено со закон и под услови предвидени со тој закон, да поднесат тужба (тужба за заштита на колективни интереси и права) против физичко или правно лице кое со вршење на одредена дејност или со постапување или пропуштање потешко ги повредува или сериозно ги загрозува таквите колективни интереси и права - појаснуваат од Министерството.
Предлог законот се усогласува и со Законот за бесплатна правна помош со што се прецизира дека трошоците на постапката на странката корисник на секундарна правна помош, која успеала во спорот, се уплатуваат на сметката на Буџетот на РСМ.
Според Предлогот, како што велат од Министерството за правда, предвидено е јавни расправи да се одржуваат по електронски пат, по оценка на судот, во случај на постоење на опасност од одлагање или кога постојат правни или стварни пречки. Судот може да одлучи рочиштето да се одржи на далечина, со употреба на средства кои обезбедуваат двонасочна електронска комуникација и овозможуваат звучен и визуелен приказ во реално време.
Можеби ќе ве интересира
Екс-министерот Јетон Шаќири не сака учебник на албански јазик со светци на насловна
НЕМА ЗАСТАРЕНОСТ НА ПРОЦЕСОТ ПРОТИВ МЕРКО - ама сега бараат изземање на судиката
ЈАВНИОТ ПРЕВОЗ ФУНКЦИОНИРА НОРМАЛНО: град Скопје со реакција по утринските најави за исклучување на приватните превозници
![](/media/main/250x170/2024/09/20240902122958.jpg)
„Интерпалацијата за собранискиот спикер треба да се поддржи“: Филипче го кажа личниот став, но партијата доправа ќе одлучува
Министерот Тошковски ја испрати ќерката на првиот училишен ден
![](/media/main/250x170/2024/09/20240902111319.jpg)
„Намалувањето на цените на услугите наскоро треба да стапи на сила“: директорот на Катастар најавува достапност по електронски пат
Пациенти се степале додека чекале преглед во ГОБ „Св. Наум Охридски“
![](/media/main/250x170/2019/09/20190916213701.jpg)
МАКЕДОНИЈА ИЗГУБИ НАД 27 ИЛЈАДИ УЧЕНИЦИ ЗА 10 ГОДИНИ: истражување на ЦГК открива каде има најголемо намалување
![](/media/main/250x170/2024/09/20240902094901.jpg)