Рокот за барањето за паушално оданочување истекува

Добивај вести на Viber

На 31 декември истекува рокот за поднесување на барање за паушално оданочување со персонален данок со персонален данок, информираат  Од УЈП. - Доколку обавувате самостојна дејност и не сте во состојба да водите деловни книги или водењето на деловните книги ви го отежнува вршењето на дејноста, имате право да поднесете Барање за паушално плаќање на персоналниот данок на доход (образец “ПДД-П”) до Управата за јавни приходи и данокот на доход за 2013 година да го плаќате според паушално утврден нето-приход. Барањето поднесете го до даночната канцеларија на УЈП, според живеалиштето на даночниот обврзник или по електронски пат преку https://etax-fl.ujp.gov.mk, информираат од УЈП од каде додаваат дека за субјектите да се стекнат со право за паушално оданочување за 2013 година, покрај тоа што треба да поднесат Барање (“ПДД-П“) најдоцна до 31 декември 2012 година, треба задолжително да ги исполнуваат и следните услови: - да не вршите трговска, угостителска и комисиона дејност (освен обврзникот кој врши трговска дејност исклучиво преку продажни места на организирани зелени пазари); - да не вработувате други лица; - во дејноста да не вложуваат и други лица и - да остварувате нето годишен приход од вршење на дејност до две просечни годишни плати. - Доколку обавувате земјоделска дејност и вашиот приход во 2012 година не надминува 1.300.000 денари, имате можност данокот на доход да го плаќате паушално. Паушалното оданочување можете да го користите, без разлика дали земјоделието претставува ваша основна дејност или истата ја вршите како дополнително занимање. Изберете едноставно решение, кое го олеснува финансиското работење на земјоделците и ви овозможува да го плаќате персоналниот данок на доход еднаш во годината, без никакви дополнителни обврски за водење на деловни книги, објаснуваат од УЈП.