Русија ги отфрла безбедносните гаранции за Украина во стилот на НАТО

Добивај вести на Viber

Руското Министерство за надворешни работи категорично ја отфрли идејата силите на НАТО да служат како мировници во Украина, одредба што ја бараа украинскиот претседател Володимир Зеленски и неговите европски сојузници во мировните преговори посредувани од САД, пренесува Фокс Њуз.

„Ја потврдуваме позицијата што беше искажана повеќе од еднаш за нашето категорично отфрлање на какви било сценарија што вклучуваат појава на украински воен контингент со учество на земјите од НАТО (што е полн со неконтролирана ескалација на конфликтот со непредвидливи последици)“, се вели во соопштението на Министерството за надворешни работи, објавено од рускиот државен медиум Риа.

Претседателот Доналд Трамп веќе предложи мировни сили предводени од Европа за да се осигури дека Русија нема повторно да ја нападне Украина, би биле дел од мировните преговори. На прашањето дали САД ќе придонесат со сили, Трамп рече: „(Европа е) прва линија на одбрана, бидејќи тие се таму, тие се Европа, но ние исто така ќе им помогнеме, ќе бидеме вклучени“.