Русија и дава 5 милијарди долари на Грција за „Турски поток“
Објавено во: Балкан, Економија 18 Април, 2015
Русија и Грција планираат да потпишат договор, во рамките на кој Москва ќе и додели на Атина од 3 до 5 милијарди евра како осигурување за изградба на гасоводот „Турски поток“ на грчка територија.
Ова го пишува германското издание „Шпигел“ во електронската верзија (Spiegel-Online), повикувајќи се на висок извор од владејачката партија Сириза.
Според информациите на неделникот потпишувањето на договорот е предвидено за следниот вторник.
„Шпигел“ прецизира дека зделката била разгледана за време на преговорите во Москва помеѓу рускиот претседател Владимир Путин и грчкиот премиер Алексис Ципрас.
Според информација на грчкото издание „Агора“ Владата на Грција го одобрила договорот со Русија.
Во Атина се надеваат дека благодарение на руската транша ќе успеат да ги одложат преговорите со ЕУ за исплата на долгот.