РУСИЈА И ИНДИЈА ГИ ОТФРЛИЈА ДОЛАРОТ И ЕВРОТО: во меѓусебната трговија ќе користат национални валути
Објавено во: Финансии 24 Декември, 2022
Извозот на Индија во Русија се намали за околу една третина меѓу април и јули, поради острите санкции од Западот наметнати на Москва.
- Москва (Русија) и Њу Делхи (Индија) постигнаа договор да се оддалечат од доларите и еврата во меѓусебната трговија - изјави за РИА Новости, Замир Кабулов, висок функционер на руското Министерство за надворешни работи.
Иако двете земји одлучија да се префрлат на националните валути, целосна транзиција нема да биде можна додека не се решат преостанатите проблеми со трговскиот дисбаланс, објасни тој понатаму, пишува РТ.
- Индија се уште купува од нас пет пати повеќе отколку што продава. Специјалисти работат на тоа, бараат разумен компромис - рече дипломатот.
Патем, Москва и Њу Делхи веќе успешно воспоставија механизам за меѓусебно порамнување во рубљи и рупии. Индиската влада минатиот месец дозволи националната валута да се користи во меѓународни трговски спогодби, во обид да го промовира извозот и да ја намали зависноста на рупијата од доларот.
Овој потег се смета и како поттик за зајакнување на трговијата со Москва.
Извозот на Индија во Русија се намали за околу една третина меѓу април и јули, поради острите санкции од Западот наметнати на Москва. Сепак, според Федерацијата на индиските извозни организации (ФИЕО), порамнувањето во рупии може да помогне да се намали трговскиот дефицит со Русија.
Претходно овој месец, медиумите објавија дека неколку руски банки добиле дозвола да отворат сметки во рупија во индиските банки за трговски цели.
Можеби ќе ве интересира
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
„УПС, СЕ ИЗВИНУВАМЕ“: Даночната управа на Црна Гора по грешка ја вклучи американската амбасада на листата на најголеми должници
МАКЕДОНЦИТЕ НАЈМНОГУ ПАРИ ТРОШАТ НА „БУКИНГ“, „АМАЗОН“ И „ВИЗЕР“ - лани во странство се потрошени 573,4 милиони евра
СЕКОЈ ТРЕТ НЕДВИЖЕН ИМОТ ВО ХРВАТСКА ГО КУПУВА СТРАНЕЦ: Еве ги најскапите квадрати на Јадранот
ЗА АПРИЛ Е, АМА НЕ Е ШЕГА - кои две моќни акционерски друштва свртеа над 4 милиони евра од берзанскиот промет
НОВИОТ ШЕФ НА КРИПТО ГИГАНТОТ ТЕТЕР СЕ ПОДГОТВУВА ЗА ГЛОБАЛНА АПОКАЛИПСА: Еве што се случува
ГЕРМАНЦИТЕ НЕ ПЛАЌААТ ПРЕКУВРЕМЕНА РАБОТА: Сериозно го стегнаа ќесето, а сето тоа треба да го трпат вработените!
