Русија прави свој „Мајкрософт“

Добивај вести на Viber

Иако претходно се обидоа да направат сопствена софтеверска индустрија, Русија сега дефинитвно одлучи да ги „елиминира“ големите странски компании и да се концентрира на домашните производи.

Ова не е прв пат Русија да планира да развие сопствена софтверска индустрија, но изгледа дека сега претставници на оваа држава конечно се подготвени во целост да ги отфрлат странските производи и да инвестираат повеќе пари во локалните компании и производи.

Министерот за комуникација и масовни медиуми, Николај Никофоров минатата недела рекол дека Русија треба да се концентрира повеќе на домашните производи за да може да има „целосен суверинитет на информациите“.

Локалниот медиум„Москва тајмс“ го цитираше Никифоров кој вели дека Русија сака да создаде „целосна индустрија на софтвер која би го заменила увозот на странски“, а големите компании како што се „Мајкорософт“ и „Оракле“ најверојатно би доживеале тежок удар ако се исполнат овие нивни планови.

Оддалечувањето од „Мајкрософт“ е реално можно, но Русија има еден голем проблем кој би ги одложил софтверските планови. Таа нема доволно програмери кои би можеле да создадат софтверска индустрија, така да властите прво би морале да доведат квалификувани ИТ експерти и дури тогаш да вложува во производи кои би можеле да ги заменат решенијата за западот.

Николај Комвел, извршниот директор на Компјутерски и информатички асоцијации, ги потврди наведувањата дека руската ИТ индустрија не би можела да постои без квалификувани специјалисти, и со оглед на тоа дека локалниот ИТ образовен сектор не е развиен, ќе треба време додека земјата не успее да се „оттргне“ од странските производи.

Парадоксално, но Русија би морала да вработи луѓе од други држави на работа на сопствен софтвер и тие би можеле да бидат единственото решение. Замената на „Windows“ со било кој друг оперативен систем во оваа земја би траеала со години, а истражувањата говорат дека овој софтвер се наоѓа на преку 90 одсто од компјутерите во Русија во овој момент.

„Linuks“ се издвојува како веројатно најпристапен избор за руската влада.