Русија со нов ултиматум за Бугарија:или рестарт на Белене или милијарда евра

Добивај вести на Viber

Само една недела по изгласувањето на новата влада во Софија, Русија објави нов и уште заканувачки ултиматум против Бугарија - дека е подготвена сите документи за да поднесе во Меѓународниот арбитражен суд и да покрене нова постапка поради запирање на проектот за нуклеарната централа  Белене. Ова го соопшти потпретседателот на „Атомстројекспорт", Генадиј Тепкан за време на форумот на „Булатом" во Варна.  Иако тој не посочи за која точна сума станува збор, појасни дека штетата не е пониска од 1 милијарда евра. Една недела рок Тепкан исто така изјави дека ако за една недела Бугарија не преземе конкретни чекори, а не само да носи празни декларации, арбитражата за нуклеарката Белене може да биде прекината. Тоа е уште една силна закана која руската држава ја упатува поради одбивањето на Бугарија да продолжи со проектот Белене, изгласан минатата година и од страна на парламентот. Во јули 2011 година „Атомстројекспорт", со која државна Национална електрична компанија (НЕК) потпиша договор во 2007 година за време на тројната коалиција за изградба на втора нуклеарна централа во Белене, доби од парискиот суд за поднесената тужба оштета од 58 милиони долари за попречување на проектот. Во октомври истата година НЕК  поднесе тужба против руската компанија дека должи 61 милион евра кон Бугарија. Притисоци од сите страни Притисокот од претставникот на "Атомстројекспорт" во вид на ултиматум доаѓа по најавата на новиот премиер, Пламен Орешарски дека проектот Белене ќе биде довршен. Во својот прв медиумски  настап тој рече дека очекува барањето за оштета од руската страна може да достигне 2,4 милијарди евра и дека е скептичен оти има реални шанси Бугарија да победи во арбитражната постапка, па оттука поисплатливо би било да се продолжи со изградба на централата, чија вредност според консултантски анализа на банката HSBC ќе надмине 10 милијарди евра.