Русија „трола“ на 1 април - Главни сме за мешање во избори на туѓи држави
Објавено во: Свет 01 Април, 2017
Доколку сакате де се мешате во нечии избори, руското Министерство за надворешни работи ќе ви помогне во тоа.
Вака гласи пораката што на својот профил на Фејсбук ја објави руското Министерство за надворешни работи, како шега по повод 1 април, пропратена со аудиозапис од наводна телефонска секретарка во дипломатските преставништва на Русија.
– За да добиете порака на руски дипломат до вашиот политички противник, притиснете 1. За да ги искористите услугите на руски хакери, притиснете 2. За мешање во избори, притиснете 3, гласи пораката која е објавена на руски и на англиски јазик.
Претставник на Министерството, кој побарал анонимност, во изјава за руските медиуми нагласи дека оваа порака е „официјална шега“.
Оваа првоаприлска шега уследи откако во четвртокот рускиот претседател Владимир Путин категорично ги отфрли обвинувањата дека Москва се мешала во ланските претседателски избори во САД.