РУСКОСКА ПРИЗНА: Заев и барал преквалификација на делото за осомничените за 27 април

Добивај вести на Viber

Поранешната јавна обвинителка Вилма Рускоска, во гостувањето во поткастот на адвокатот Јанаки Митровски, одговори позитивно на прашањето на адвокатот дали поранешниот премиер Зоран Заев и барал преквалификација на делото за настаните од 27 април.

Кривичната пријава за настаните што се случи на 27 април 2017 година за упадот во Собранието беше поднесена во март 2018 година, a Русковска беше именувана за шефица на ОЈО ГОКК во октомври истата година.

Со истрагата беа опфатени 35 осомничени, а беше поднесено обвинение против 31 од нив. Тие одговараа за терористичко загрозување на уставниот поредок и безбедноста.

Од 31 обвинети 16 беа осудени на вкупна казна од 188 години затвор, 14 добија амнестија.

На 23 ноември 2023 година Вилма Русковска беше разрешена од функцијата поради, како што беше јавно соопштено, незаконит претрес во просторите на Управата за финансиска полиција (УФП) летото 2022 година, додека директор на оваа институција беше Арафат Муареми.

Русковска и тогаш спомена притисоци од страна на политичари меѓутоа не сакаше да прецизира за кој точно политичар станува збор. Видеото може да го погледнете тука.