САД и Русија остануваат најголемите извозници на оружјe во светот

Добивај вести на Viber

САД и Русија остануваат најголемите извозници на оружјe во светот, покажуваат податоците на Стокхолмскиот меѓународен институт за истражување на мирот (SIPRI).

Општо земено трговијата со конвенционалнo оружјe се зголемила за 16% меѓу 2005-2009 и 2010-2014 година.

Со 23% е зголемен обемот на изнесеното оружје од САД меѓу 2005-2009 и 2010-2014 година. 31% од целото изнесено оружје во светот е на САД, а процентот кај Русија е 27%.

САД одамна го разгледуваат извозот на оружје како важна надворешна политичка и безбедносна алатка, но во последниве години извозот е зголемен за потребите за поддршка на оружената индустрија во САД, за да се одржуваат нивоата во период на намалување на американските воени трошоци, изјавил директорот на програмата за воени трошоци во институтот.

Извозот на оружје од Русија е зголемен за 37% за наведените периоди.

Кинескиот извоз на оружје порасна за 143%, што ја прави земјата третиот најголем извозник во светот за периодот 2010-2014 година, но далеку зад САД и Русија. Во 2005-2009 година Кина беше на деветото место  во рангирањето.

Други големи извозници се Германија и Франција. Сепак значително се намалила продажбата на оружје од двете европски држави во последните 5 години - 43% пад на извозот на оружје од Германија на пример.

Европското оружје е намалено за 36% во зададениот период. Но, кризата во Украина ги натера некои европски држави да го зголемат увозот на оружје.

Според институтот продаденото оружје во светот е главно за два региона: Азија и Океанија и Средниот Исток.

Индија, Саудиска Арабија, Кина, Обединетите Арапски Емирати и Пакистан се клучните увозници - тие внеле 33% од сето продадено оружје на светскиот пазар. Њу Делхи е водечки во светот по увезено оружје, купиле 70% од оружјето од Русија.

Пример Азербејџан го зголемил увозот за 249% во 2005-2009 и 2010-14. Најголемиот увозник во Африка е Алжир, а по него Мароко.

Поради битката со „Исламска држава“ Ирак добил оружје од Иран, Русија и САД.

Институтот спроведува такви истражувања од 1950 година.