Сакате лиценца за сметководител – побрзајте роковите течат

Добивај вести на Viber

Крајниот рок за аплицирање за уверение за сметководител истекува на 13 мај,. Министерството за финансии ги повика сите заинтересирани граѓани да ги поднесат апликациите до писарницата на Министерството за финансии лоцирана во зградата на НИП Нова Македонија или да ги испратат на адреса: Министерство за финансии, ул. Даме Груев бр.14, 1000 Скопје. Потребната документација, согласно видот на лиценцата, е објавена на веб страницата на Министерството за финансии www.finance.gov.mk. Согласно образованието и искуството се издваат три вида лиценци: привремено уверение за сметководител, привремено уверение за овластен сметководител и трајно уверение за сметководител или овластен сметководител. Привременото уверение за сметководител се издава на лице кое има најмалку средно образование и работно искуство од 3 години, или вишо образование и работно искуство од 2 години, или пак високо образование и 1 година работно искуство. Привременото уверение за овластен сметководител се издава на лице кое има најмалку средно образование и работно искуство од 10 години, вишо образование и работно искуство од 8 години, или високо образование и 3 години работно искуство. Трајно уверение за сметководител или овластен сметководител, се издава на лица кои имаат 25 години работно искуство во сметководствени работи. Според податоците на  Министерството за финансии досега има издадено над 10 илјади уверенија за сметководители.