Самир Љума, снимателот на „Медена земја“, во државен карантин
Објавено во: Македонија 29 Март, 2020
Кинематографот на документарецот „Медена земја“, Самир Љума, синоќа пристигна од Германија со еден од чартер летовите што ги организираше Владата за враќање на нашите државјани во својата земја по што ќе биде сместен 14 дена во еден о д државните карантини.
Снимателот за „360 степени“ раскажа дека тргнал од Меминген, а кога стигнале вечерта на скопскиот аеродром неколку часа чекале во автобус додека не се знаело во кој хотел, односно место, ќе биде сместена групата.
„Никој не знае каде ќе не носат. Сега состојбата се смири, инаку некои патници запалија цигари во автобусот, гајле си немаа. Не се ниту тие виновни, но реагираа лошо кога јас реагирав зошто пушат во автобусот. Да се возевме три саати да разберам, ама запалија штом влеговме во автобусот. Најмногу е виновен возачот кој им дозволи“,изјави Љума во својата првична реакција.