Samsung Electronics го претстави револуционерниот гејминг монитор „Odyssey 3D“ без употреба на очила на Gamescom 2024
![](/media/main/2024/08/20240821101519.jpg)
Објавено во: Мои пари 21 Август, 2024
Иновативниот монитор Odyssey 3D обезбедува имерсивен гејминг во 3D без очила благодарение на технологијата за следење на окото и мапирање на приказот
Samsung Electronics денес го најави претставувањето на своите најнови гејминг монитори на саемот Gamescom 2024 во Келн, Германија, со посебен акцент на револуционерниот Odyssey 3D кој нуди гледање во 3D без очила.
Саемот Gamescom 2024, кој се одржува од 21 до 25 август, е најголемата гејминг изложба во светот и вклучува повеќе од 1400 изложувачи, вклучувајќи производители на хардвер, софтвер и на гејминг содржини. Samsung ќе ги прикаже своите врвни гејминг монитори, вклучувајќи го новиот Odyssey 3D и моделите од сериите Odyssey G6, G8 и G9, на својот штанд со површина од 800m², кој е најголемиот и најимпресивниот штанд на компанијата досега.
„Возбудени сме што ќе го претставиме нашиот 3D гејминг монитор без употреба на очила на Gamescom, најголемата изложба за игри во светот,“ рече Хун Чунг (Hoon Chung), извршен потпретседател на одделот за визуелен приказ во Samsung Electronics. „Samsung и понатаму посветено го води пазарот на врвни гејминг монитори, постојано развивајќи врвни технологии кои го подобруваат гејминг искуството.“
3D гејминг без очила со Odyssey 3D
Иновативната технологија за приказ на светлосното поле (LFD) на Odyssey 3D создава реалистични 3D слики од 2D содржина со помош на лентикуларната леќа[1] на предниот панел. Во комбинација со технологијата за следење на окото и мапирање на приказот, Odyssey 3D обезбедува оптимизирано 3D искуство без употреба на посебни 3D очила. Технологијата на следење на окото го следи движењето на двете очи со вградена стерео камера, додека со технологијата на мапирање на приказот сликата постојано се прилагодува за да се подобри перцепцијата за длабочина.
Odyssey 3D може беспрекорно да се префрла меѓу 2D и 3D режим во зависност од преференциите на корисникот. Достапен во големини од 27” и 37”, мониторот има екран со 4K резолуција, брзо време на одговор сиво-во-сиво (GTG) од 1ms и висока стапка на освежување од 165Hz, обезбедувајќи непречено играње без никакви последователни слики или прекини.
Дополнително, Odyssey 3D доаѓа со ергономски дизајн, кој вклучува држач за прилагодување на висината (HAS), можности за навалување и вртење, FreeSync Premium Pro, еден DisplayPort 1.4 и две HDMI 2.1 порти. Мониторот ја доби наградата за најдобра иновација во категоријата за гејминг и e-спорт на CES 2024.
Гејминг искуства достапни на Gamescom 2024
На саемот Gamescom 2024, Samsung ќе понуди ексклузивно искуство за посетителите преку партнерства со водечки развивачи на игри. Во имерсивната зона за Odyssey искуства, посетителите ќе можат да уживаат во најновата линија на гејминг монитори Odyssey, вклучувајќи ги Odyssey OLED G8 со UHD резолуција и стапка на освежување од 240Hz, Odyssey OLED G6 со QHD резолуција и стапка на освежување од 360Hz, како и 57-инчниот двоен UHD Odyssey Neo G9.
На штандот на Samsung, посетителите, исто така, ќе можат да ги искусат следните монитори заедно со долгоочекуваните игри за ултимативно уживање:
- Odyssey 3D: Odyssey 3D ќе обезбеди неспоредлива 3D околина за посетителите да ја истражат KRAFTON’s inZOI, игра која симулира живот и може да се пофали со својата реалистична графика, нудејќи навистина имерсивно гејминг искуство. Овој ексклузивен преглед им дава на гејмерите поглед од прва рака на следната генерација гејминг технологија и иновации.
- Odyssey OLED G8: Богатите бои и големиот екран на Odyssey OLED G8 ја подигаат играта Genshin Impact на HoYoverse на повиско ниво, обезбедувајќи им на гејмерите динамични слики и непречено играње кои го подобруваат брзото дејство и наративот.
- Odyssey Neo G9 & OLED G9: Со огромен ултра-широк екран со висока резолуција, Odyssey Neo G9 и OLED G9 нудат епско искуство во играта World of Warcraft: The War Within на Blizzard Entertainment, обезбедувајќи им на гејмерите широко видно поле и кристално јасни детали, кои секоја нова авантура ја прават вистинско имерсивно искуство. Играта World of Warcraft ќе ја играат некои од најдобрите европски креатори на содржини. Фановите ќе можат да играат некои од другите омилени игри на Blizzard, вклучувајќи ги Overwatch 2 и Hearthstone.
Посетителите ќе имаат ексклузивна можност да уживаат во овие врвни гејминг монитори играјќи ги долгоочекуваните споменати наслови – некои од нив ќе бидат достапни за играње дури и пред нивното официјално објавување.
Проширување на линијата 2024 Odyssey OLED
Samsung го најави проширувањето на својата високо призната линија Odyssey OLED, која вклучува три нови модели: Odyssey OLED G95SD, G93SD и G85SD[2].
·Серијата Odyssey OLED G9, која ги вклучува моделите G95SD и G93SD, обезбедува имерсивно искуство со двојна QHD (5120 x 1440) резолуција, ултра-широк сооднос на екранот од 32:9, закривен дизајн од 1800R, Smart Hub[3], Gaming Hub[4], стапка на освежување од 240Hz и време на одговор сиво-во-сиво (GTG) од 0,03 ms.
·34” Odyssey OLED G8 (модел G85SD) нуди ултра-широк екран со QHD (3440 x 1440) резолуција, сооднос на екран од 21:9, закривен дизајн од 1800R, Smart Hub, Gaming Hub, стапка на освежување од 175Hz и време на одговор (GTG) од 0.03ms.
Врз основа на успехот на Odyssey OLED G6 и G8 лансирани во јуни, Samsung сега нуди OLED монитори со големини од 27” до 49”, вклучувајќи ги новите модели со широки екрани со што го проширува свето сеопфатно OLED портфолио и обезбедува повеќе опции за гејмерите.
Новите модели на Odyssey OLED вклучуваат OLED заштита на Samsung за спречување на прегорување и OLED Glare Free технологија за минимизирање на рефлексијата на светлината, обезбедувајќи супериорно искуство при гледањето. Дополнително, Odyssey OLED G9 (модел G95D) беше добитник на награда за иновации во категоријата за компјутерски периферни уреди и додатоци на саемот CES 2024.
Samsung Electronics и понатаму е лидер на глобалниот пазар на гејминг монитори, држејќи го првото место пет последователни години[5]. Компанијата, исто така, беше рангирана на првото место во првиот квартал од 2024 година според неодамнешните податоци на IDC. Во првиот квартал од 2024 година Samsung имаше глобален пазарен удел од 20.6% во оваа категорија и беше лидер на европскиот пазар на гејминг со удел од 24.2% според приходи, според Меѓународната корпорација за податоци (IDC).
[1]Лентикуларната леќа е посебен вид на леќа што насочува различни слики кон секое око, овозможувајќи ви да гледате 3D слики без да ви требаат специјални очила.
[2]Овие модели ќе бидат достапни глобално, вклучувајќи ги Северна Америка, Европа и Австралија, во текот на оваа година. Периодот на лансирање може да варира по земја.
[3]Smart Hub не е достапен на моделот G93SD.
[4]Gaming Hub не е достапен на моделот G93SD.
[5] Извор: IDC Q1 2024 Светски квартален гејминг тракер
Класификацијата на гејминг монитори е базирана на критериуми на IDC (над 144Hz од вториот квартал на 2023 година, над 100Hz пред тоа).
ПР објава
Можеби ќе ве интересира
„Лесја Украинка“: Балканот и Украина: Историски и модерни паралели
![](/media/main/250x170/2024/08/20240821120944.jpg)
Подобра медицинска нега, а помали трошоци: Расте интересот за приватно здравствено осигурување во земјата
![](/media/main/250x170/2024/08/20240821111412.jpg)
СРЕЌНИ ВЛТ ВЕСТИ: ИГРАЧ ОД ВЕЛЕС ОСВОИ СУПЕР МИЛИОНЕР ВРЕДЕН 6.713.203 ДЕНАРИ
![](/media/main/250x170/2024/08/20240821105847.jpg)
Голема роденденска наградна игра на Diamond Mall – главна награда најнов модел на хибриден автомобил
![](/media/main/250x170/2024/08/20240821101744.jpg)
Што е „намалување на штети“ и како тоа може да помогне
![](/media/main/250x170/2024/08/20240821095816.jpeg)
Растечка каматна стапка до 5 отсто! Звучи примамливо. Зошто е добро да се штеди?
ШПАРКАСЕ БАНКА СО ПАКЕТ СО НАЈДОБРИ ПОВОЛНОСТИ ЗА СТАРТ НА МАЛИ БИЗНИСИ
„Флекс кредит“: Доверлив и безбеден процес на идентификација и заштита на личните податоци
![](/media/main/250x170/2024/08/20240820144549.jpg)