Samsung Galaxy S20 Ultra - Крај на битката за камера смартфоните

Добивај вести на Viber

Samsung Mobile успеа во намерата да го претстави новиот најнапреден камера смартфон Samsung Galaxy S20 Ultra кој е нов крал во оваа категорија и се чини дека барем засега ја добива битката со конкуренцијата. Samsung Galaxy S20 Ultra доаѓа со четири главни камери на задната страна, од кои примарниот сензор има 108 мегапиксели, а сите заедни се обединети преку напреден систем базиран на вештачка интелигенција за одредување на најдобриот кадар во секоја ситуација. 

Samsung Galaxy S20 Ultra исто така може да се пофали со уникатен x100 Space Zoom при што компанијата гарантира дека поради големиот број на пиксели со најквалитетни леќи изразот на сликата и со зум и без ќе биде на идентично ниво, што секако ќе донесе многу експериментални фотографии и обиди за вадење на најдобриот зум на далечина. Bright night режимот на сликање ќе овозможи правење на најдобри и најпрецизни фотографии и селфи фотки дури и кога надворешната светлина е ограничена. 

Со напредната стабилизација ќе може да снимање акциони видеа во движење без затресување на кадрите. Исто така може да снимате и видеа со 8K HD резолуција и со новата 5G мрежа за час да ги аплоадирате на YouTube или пак да ги гледате на 8K HD телевизор. Замислата на Samsung Galaxy S20 Ultra е да понуди степен повеќе премиум квалитет во однос на Plus моделот што најмногу се одразува во самата камера, но и во супер издржливата батерија со капацитет од од 5000 mAh со ултра брзо полнење од 45W. Фактор имаше ексклузивна можност одблиску да ги тестира првите модели на Samsung Galaxy S20 Ultra па очекувајте наскоро да ги споделиме сите впечатоци одблиску со овој фантастичен мобилен уред.