Најважната гранка е запоставена, текстилците бараат помош од државата!

Добивај вести на Viber

Текстилните фирми мора да се реструктуираат, но со поддршка на државата и брза потрага по нови пазари. Само тоа може да ја извади оваа индустрија од кризата, констатираа текстилците на меѓународната конференција за развојот на оваа индустрија во Македонија. Компаниите немаат никаква преспектива, сè уште нема изградено добар бренд, работат лон производство со застарена технологија, а нивните вработените се најниско платени во регионот сметаат македонските текстилци, но и претставниците од други земји. Министерот за економија Ваљон Сарачини, смета дека долгорочен можен излез од состојбата е создавање македонски текстилен бренд, но тоа е долг и скап процескомпаниите побараа помош од државата. „Текстилната индустрија својата иднина треба да ја гледа во зголемување на извозот, со промена на структурата од ’лон’ кон извоз на готови производи. Според постојната ситуација во секторот, потребна е јака поддршка за изградба на конкурентска способност во компаниите кои имаат долгорочни стратегии за развој. Наши приоритети ќе бидат унапредувањето на образовниот систем, доследна примена на законските решенија и надзор на пазарот, како и подигање на образовното ниво на работната сила и менаџментот“, истакна министерот за економија. Тој смета дека  определбите на Владата на макро ниво за создавање на поволна и атрактивна деловна клима, преку намалување на бариерите за водење бизнис, поттикнување на развојот и привлекување странски инвестиции и  дијагоналната кумулација ќе придонесат позабрзан развој на текстилната индустрија и влез на странски инвестиции, со оглед на фактот што подрачјето на Евро-медитеранската зона, вклучително и Р. Турција опфаќа 650 милиони жители и 7 милиони вработени во текстилната индустрија. Оваа индустрија обезбедува една петина од вкупниот извоз или околу 500 милиони евра годишно. Засега најмногу се соработува и извезува кај партнери во Германија, Грција, Холандија и Италија. На дводневната дебата за текстилната индустрија во Македонија учествуваат експерти од Италија, Холандија, Турција, Бугарија, Србија и од Хрватска.