Добивај вести на Viber
Министерот за економија Ваљон Сараќини, во четврток ќе присуствува на Меѓународниот Eкономски Форум кој се одржува во Санкт Петербург, Русија, јави Макфакс.
Економскиот форум во Санкт Петербург ги собира клучните претставници на
меѓународната бизнис заедница, политичката и економската елита на светот.
Главна тема на форумот оваа година ќе биде Глобалниот економскиот пораст. За да економскиот развој на меѓународната економија е стабилен, учесниците на форумот мора да бараат избалансиран приод на мерките за решавање на должничките проблеми и стимулирање на порастот, коментира за Гласот на Русија, директорот на Економскиот институ „РАН“ Руслан Гринберг.
Помеѓу останатото форумот во Санкт Петерсбург не е само повод за разговори за глобализацијата, туку и да се приближат ставовите за главните економски проблеми. Минатата година на форумот беа потпишани повеќе од 80 бизнис зделки во вредност од преку 10 милијарди долари.
Министерот Сараќини во рамките на форумот ќе оствари поединечни средби со инвеститори кои престојуваат на форумот, како и со колеги министри од повеќе земји.