СДСМ инсистира Владата да го обелодени договорот за гасификација
Објавено во: Економија 30 Јули, 2013 20:33
Информациите кои ги обелоденил премиерот Никола Груевски во телевизиското интервју не биле доволни и затоа СДСМ инсистира Владата на јавноста да и соопшти што договорила со Руската Федерација околу гасификацијата, се вели во соопштението од опозициската партија.
СДСМ инсистира Владата на јавноста да и соопшти што договорила со Руската Федерација околу гасификацијата.
„За граѓаните на Македонија не се доволни фалбите на власта дека самото потпишување на договорот чија што содржина не ја знаеме е голем успех за државата. СДСМ бара од премиерот и од Владата да кажат дали е ова единственото што имаат да им го соопштат на граѓаните за овој проект? Потсетуваме дека вакви најави, дека гасификацијата само што не почнала да се спроведува во пракса, македонската јавност слуша од 2007 година. “ стои во соопштението од СДСМ.
Според опозициската партија, само со објавувањето на договорот „ќе се отфрлат сите сомнежи во однос на искреноста на Владата да го реализира проектот за гасификација на Македонија“.
Со потпишувањето на договорот е осигурана енергетската независност на земјава во наредните 50 години, се наведува во реакцијата на владеачката ВМРО – ДПМНЕ.„Заслугите на ВМРО-ДПМНЕ се двојно поголеми бидејќи успеа да искористи пропуштена шанса на претходната влада на СДСМ, која не мрдна со прст кога земјите во регионот настојуваа да влезат во меѓународниот гасовод“ се наведува во реакцијата на владеачката партија.
Можеби ќе ве интересира
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје
„Бауер БГ“ ја реконструира Палата АСНОМ по стара шема, со нови анекс-договори од 700.000 евра засега
КУПЦИТЕ НА СТАНОВИ МОЖЕ ДА ЗДИВНАТ – повластената даночна стапка останува и следните три години
Кончар потпиша договор со позната американска компанија
ВАЛУТАТА ПОТОНА: Се тргуваат 1,3 милиони риали за еден американски долар
Најскапиот град во светот за излегување е во Азија
Сијарто: Унгарија потпиша договор со САД за снабдување со течен природен гас
