СДСМ: „Курирските“ медиуми на суд за клеветите против нас и СЈО

Добивај вести на Viber

СДСМ најави покренување на правни процедури против сите телевизии и портали кои го оцрнуваат нивното име лажејќи дека партијата е поврзана со СЈО. Опозициската партија тврди дека се води црна медиумска кампања за дискредитација на Катица Јанева, но и за клеветење на СДСМ.

„Курирските медиуми повторно одработуваат за власта на обвинетиот Никола Груевски пласирајќи шпекулации кои немаат апсолутно никаква врска со вистината. Намерите им се да го дискредитираат СЈО зашто знаат какви криминали правеле и знаат дека правдата ги стига. Со објавување наслов кој на никаков начин не е поткрепен во текстот, куририте прават тешка клевета за наводна поврзаност на СДСМ и СЈО, и за наводно финансирање на кампањата со пари од обвинителството. Сите овие медиуми ќе мора на суд да објаснат зошто ги пишуваат овие лаги. Обвинетиот Груевски е во голема паника и како се приближува 11 декември, денот на неговиот тежок пораз, така се поочајно ги злоупотребува неговите медиумски слуги и ги тера дополнително да заглавуваат во обид да го спасат. За него нема спас, казната доаѓа!“, соопшти СДСМ.

Изминатите денови имавме можност да прочитаме голем број на скандалозни наслови со дискредитирачки, навредливи и шпекулативни наводи во медиумите кои ја критикуваат работата на СЈО и СДСМ.