Се договориле по Фејсбук и утре пред Собрание ќе протестираат за носење на буџетот
Објавено во: Економија 23 Декември, 2012 15:46
Утре на пладне , иницијативата „Фронт на народот, фронт за Македонија“ најави протест пред Собранието и побара итно спречување на блокадите во Собранието, донесување на буџетот на државата и опозицијата да престане во заложништво да го држи народот.
Како што информираше еден од иницијаторите, актерот Роберт Велјановски овој Фронт е воден од нивната слободна и демократска мисла, а се организирале преку социјалните мрежи.
„Се обединувме со цел да се спротивставиме на штетните политики на политичките сили и политичарите кои го кочат развојот на општеството и ги блокираат нашите примања, плати, пензии, социјална помош, субвенции, вработувања и кои спречуваат проекти од културата, изградба на училишта, патишта, болници, сали и остнати инфраструктурни објекти кои се од значење за граѓаните“, рече Велјановски.
„Народот го бара тоа што му е ветено и никој нема право со блокада тоа да го спречи. Народот не може и не смее да биде заложник на политичките кариери на поединци. Секој оној кој ќе проба народот да го користи како инструмент за свои политички поени и да ги блокира нашите пари ќе се соочи со револтот и со силата на народот“ посочи актерот.
За време на прес конференцијата говореше и Никола Стаменов, претставник на земјоделците од Струмичкиот регион, кој нагласи дека „Фронт на народот, фронт за Македонија“ се самостојна граѓанска иницијатива поттикната од неразумното однесување на политичарите, односно пратениците кои, вели, преку деструктивност и неразумно однесување предизвикуваат серија проблеми. Тој уште реше дека блокадата на буџетот значи и блокада на интересите на граѓаните, а додаде и дека немаат политички барања или амбиции, туку чисто граѓански барања.
Како што беше појаснето денеска, оваа Иницијативата ја поддржале луѓе од различни сфери од општеството.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
Среброто привлекува сè поголемо внимание од купувачите, eве зошто...
Димитриеска-Кочоска: Немам информација дека доцни породилното
