Се менува бројот за кориснички услуги на Македонски Телеком и Т-Мобиле
Објавено во: Мои пари 17 Декември, 2012
Македонски Телеком и Т-Мобиле Македонија воведуваат нов, заеднички број за кориснички услуги. Отсега, бројот за приватни корисници за двете компании ќе биде 122, а за поддршка на бизнис корисниците 120. Досегашните броеви за T-Home корисниците: 171, 170, 177 и 080012345 ќе бидат активни паралелно со новите броеви извесен период.
Адресата на е-поштата на контакт центарот на Т-Мобиле останува ист kontakt@t-mobile.mk, a на Македонски Телеком од 171@telekom.mk се менува во 122@telekom.mk .
Воведувањето на еден заеднички број за двете компании е во корист на корисниците кои сега на едно место и со вртење само на еден број ќе можат да дојдат до сите информации кои им се потребни.