Се менува Законот за домување?

Добивај вести на Viber

Ќе се менува законот за домување, соопштија од Министерството за транспорт и врски. Денеска , на прес конференција, од страна на министерот Миле Јанакиески ќе бидат презентирани предлог измените и дополнувања на Законот за домување.

Законот за домување стапи во сила на 1-ви април минатата година. Како најголема новина, со Законот стана задолжително во сите згради да се формираат заедници на станари или назначи управител кој ќе го регулира одржувањето на објектите, плаќањата за режиските трошоци и генерално заедничкото живеење. Според најновиот извештај на Регулаторната комисија за домување доставен до Собранието вкупниот број на регистрирани станбени згради кои се управувани од страна на управител или на заедница на сопственици изнесувал  4412. Во меѓувреме, згаснале 82 станбени заедници кои имале ангажирано управители, пишува в Ако се земат во предвид податоците од  последниот попис, според кои во земјава има околу 10. 000 станбени згради,  тоа значи дека само 44% го почитуваат Законот за домување, кој налага сите станбени згради да се регистрираат во заедници на станови. Иако од Комисијата информираат и дека секојдневно се зголемувал интересот на правните лица за добивање на лиценци за управители, од почетокот на спроведување на Законот за домување од 2010 година, до сега, само дваесет и пет правни лица имале добиено  лиценца. Според извештајот на Комисијата, најмногу регистрирани заедници има во скопските општини Центар, Аеродром, Карпош, но и во Битола, Охрид и Тетово.