Се менуваат условите за “Чебрен и Галиште“

Добивај вести на Viber

По неколкуте неуспешни тендери за „Чебре и Галиште “, сега Владата ќе ги менува условите за изградба на овој енергетски капацитет. Во новиот тендер ќе биде намалена висината на браната за „Чебрен“  и тоа за 15 метри. Понатаму езерото Тиквеш порано ќе им биде отстапено на инвеститорите. Уште една промена е и тоа што Владата ќе го одреди само минимумот со колку проценти ќе учествува државниот ЕЛЕМ во новата компанија за „Чебрен и Галиште“, објави Алсат - M од извори во Владата. Инаку сега тендерот ќе го спроведува Министерството за животна средина а министерот Абдилаќим Адеми е оптимист бидејќи како што вели, ќе бидат прифатени досегашните забелешки што ги имаа инвеститорите, а поради кои досега паѓаа дури осум тендери за овие централи. „ Се надевам дека ќе бидат земени во предвид сите забелешки и искуството на министерството за економија со поранешните тендери со цел да имаме успешен крај за овие проекти. Сега не сакам да зборувам за условите кои ќе се бараат во јавниот повик. За тоа е рано и ние се уште разговараме со владата, со министерството за економија и со претставниците на ИФЦ околу условите кои ќе стојат во тендерот со цел да биде успешен и во интерес на државата“ изјави  Абдилаќим Адеми, министер за животна средина