Се олеснува транспортот меѓу Македонија и Бугарија

Добивај вести на Viber

Mакедонско-бугарската мешовита комисија за меѓународен патен сообраќај потпиша протокол со кој е договорено за 2012 година да се размени дополнителен контингент од 50 транспортни дозволи за и од трети земји, јавуваат од Министерството за транспорт и врски.Исто така, за 2013 година е договорено да се размени прелиминарна квота од по 1.150 дозволи за и од трети земји за превозниците од двете земји што е за 15 проценти поголем контингент од досегашниот контингент на дозволи што се разменуваа. Министерството за транспорт и врски континуирано одржува состаноци на мешовитите комисии за меѓународен патен сообраќај за дополнување на квотите на транспортни дозволи и либерализирање на превозот со земјите со кои  се остварува економска размена со цел овозможување на непречен транспорт за македонските транспортери. Преку овие активности веќе e овозможено целосно либерализирање на превозот со Чешка, Словачка, Велика Британија, Швајцарија , Унгарија и Босна и Херцеговина. За земјите со кои се разменуваат транспортни дозволи, во 2012 година до сега се обезбедени дополнителни дозволи за земјите со кои се остварува економска размена, меѓу кои Италија, Бугарија, Романија, Турција, Србија..