Се основа првото Друштво за инвестиционо советување во Република Македонија
Објавено во: Македонија 22 Август, 2018 17:27
Комисијата за хартии од вредност на Република Македонија на 8-та седница со која претседаваше Претседателот на КХВ М-р Нора Алити даде дозвола за работење на Друштвото за инвестиционо советување Ј.К.МОРГАН ВЕЛТХ МЕНАЏМЕНТ ДООЕЛ Скопје.
Ова е прво вакво друштво кое е основано во Република Македонија. Согласно Законот за хартии од вредност, Друштвото ќе врши две услуги:
- Инвестиционо советување , која ќе ја врши самостојно и
- Управување со портфолио на хартии од вредност по налог и за сметка на индивидуален клиент , која ќе ја врши посредно односно преку овластен учесник кој има дозвола од страна на Комисијата за вршење на ваков тип на услуга.
Според законската регулатива, основната главнина на Друштвото за инвестиционо советување Ј.К.МОРГАН ВЕЛТХ МЕНАЏМЕНТ ДООЕЛ Скопје изнесува 10.000 евра.
На седницата што се одржа на 16 август 2018 година, КХВ усвои неколку интерни акти меѓу кои: Деловник за работа на Комисијата и Етички Кодекс.
Со Етичкиот кодекс се утврдуваат правилата за однесување на комисионерите и на вработените кои треба да ги почитуваат при извршување на доверените работи и задачи, со цел да се зајакне довербата и угледот на институцијата во јавноста.
Законитост, независност, интегритет, одговорност и непристрасност, професионалност и домаќински однос, доверливост, добри меѓучовечки односи, спречување судир на интереси и судир на финансиски интереси, забрана за примање подароци и друг вид корист, забрана на политичко влијание во работата, професионални односи со јавноста и забрана за надворешни активности спротивни на интересите на Комисијата се принципите на однесување во Комисијата.
Исто така, согласно Етичкиот кодекс, се обезбедува еднаков третман на странките во постапките и вработените се должни на прашањата кои ги поставуваат да одговорат во целост и точно, во најкраток можен рок, во согласност со законите и подзаконските прописи од надлежност на Комисијата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
СУДЕЊЕ „ПУЛС“: Денешното рочиште продолжува со воведни зборови на одбраната на 26-то обвинетиот Шефкет Хазири од Министерството за економија
Андоновски: Филипче гласал за камп за прифаќање на мигранти во 2018 година во Бардовци, деталите ќе бидат јавно објавени
КАЦАРСКА ЗА ЈАНКУЛОВСКА И ПРЕДМЕТОТ ВО СТРАЗБУР: „Јанкуловска имаше можност да ги изнесе сите докази“
Тошковски: Тврдењата дека Македонија ќе биде хаб за мигранти немаат врска со реалноста
ФАКТОР НА ДЕНОТ: Поранешните министри за економија и директори на ДЗС негираат вина за „Пулс“
Сиљановска-Давкова: Aко се работи за лица кои се опасност за Британија, тие се подеднакво опасни и за нас
Протест ќе има за поддршка на поранешните водачи на ОВК - Мицкоски кажа какви мерки ќе преземат
Оружје од Косово е најдено на локации во Сингелиќ и Брест, уапсени се 12 луѓе
Со реакција се јави Спасовски за кривичната: МВРО-ВМРО се враќа на сцена секогаш кога треба да се дефокусира јавноста
