СЕ ОТКАЖАА: Фолксваген нема да отвори нова фабрика во Турција
Објавено во: Балкан, Корона Вирус 01 Јули, 2020
Поради Ковид-19, германскиот производител на автомобили Фолксваген се откажа од отворање на нова фабрика во Турција.
Компанијата денеска објави дека се откажува од изградбата на фабрика во Турција.
Одлуката е донесена поради остриот пад на побарувачката на автомобили во светот предизвикан од пандемијата на коронавирус, и затоа не се потребни нови производствени капацитети.
Проектот наиде на остри критики од германските синдикати, а беше запрен откако турската војска влезе во Сирија.
Фабриката која требаше да биде изградена за 1,3 милијарди евра во Маниса, требаше од 2022 година да произведува по 300 илјади возила годишно: Фолксваген пасат и Шкода Суперб за пазарите во Источна Европа и Блискиот Исток.
Пред да се одлучат за Турција, како можна дестинација каде ќе се гради се споменуваше и Србија.