Се прават прогнози за цената на нафтата - дали ќе поскапе?
Објавено во: Економија 01 Јануари, 2017
Пред два дена американската лесна нафта WTI поевтини за 18 центи до 53.59 долари, а Brent – со 24 центи до 56.61 долари за барел.
Нафтата ја заврши годината со благо намалување на цените на светските берзи на крајот на најголемото годишно поскапување од 2009 година.
На 29 декември анкетата на Ројтерс меѓу аналитичари ги покажа прогнозите за поскапување на крајот на годината до 60 долари за барел.
Од 1 јануари треба да започне договореното од земјите од ОПЕК и водечки производители надвор од картелот, постепено намалување на производството, чија цел е цената на нафтата да се зголеми. ОПЕК се враќа на старите обиди да се бранат одредени ценовни нивоа.
Допрва ќе се види дали и како одделни земји-членки ќе ги почитуваат утврдените квоти за намалување на производството. Големи земји како Русија, Мексико, Азербејџан, Казахстан, исто така треба да докажат дека го почитуваат својот дел од договорот.
Други три фактори се исто така многу важни: дали САД нема повторно да го зголемат производството на т.н.. нафта од шкрилци, колку голема ќе биде светската побарувачка на нафта и дали доларот, во кој се тргува нафтата, нема да поскапе толку, што ќе го задуши растот на потрошувачката.
Прогнозите се разминуваат значително за побарувачката на нафта – раст од 1.22 милиони до 1.57 милиони барели дневно, а тоа е разлика, која се израмнува во апсолутни волумени на количеството што Русија вети да не го пушта на пазарот. Што се однесува до доларот, прогнозите за него се дека оваа година доларот и еврото ќе се изедначат.
Цената на суровата нафта на светските берзи во 2016 година го постигна највисокиот годишен раст во изминативе седум години.