Се прави мини-град за тестирање роботски автомобили

Добивај вести на Viber

Универзитетот во Мичиген во истата сојузна американска држава ќе изгради тест полигон за испитување на самоуправувачки автомобили. Полигонот ќе претставува вистински град  во мало кој ќе се простира на површина од 12 хектари.

Благодарение на компанијата Google, Калифорнија моментално е центар на активностите кога станува збор за тестирање на роботни автомобили. Тоа наскоро би можело да се промени, со оглед на тоа дека во Мичиген, во кој се наоѓа срцето на американската автомобилска индустрија, на есен ќе биде отворен специјален погон за испитување на вакви видови возила.

Полигонот ќе овозможи симулација на реални услови во возење, како во урбаната, така и на автопатот со четири ленти.

Во рамките на овој објект ќе се наоѓаат содржини кои овозможуваат појасна симулација на состојба во која автомобилите може да се најдат при движење на градските улици - од непредвидени семафори и велосипеди, до градежни работи на коловозот и пешаци кои преминуваат на црвено.

Форд е првиот производител кој ќе ги тестира роботизираните возила на новиот полигон, а после него на улиците на овој мини град ќе се движат и прототипови на самоуправувачки автомобили на General Motorsa и Toyotа.

Иако возилата кои ќе го користат овој полигон се програмирани да се движат без помош на возач, во оваа фаза на тестирањето зад управувачот ќе се наоѓа човек кој ќе ја надгледува тест вожњата и по потреба ке ги превзема контролите на автомобилите.