Се затвораат читалните „Славко Јаневски“ и „Ацо Шопов“ кои не чинат ни 2.000 евра месечно
Објавено во: Македонија 28 Декември, 2018
Општина Центар ги затвора читалните „Славко Јаневски“ и „Ацо Шопов“ со фонд од околу 3.000 донирани книги затоа што нема предвидено пари за таа намена во буџетот за 2019-та.
Овие читални со голем ентузијазам од општината, уметниците и читателите беа отворени во 2015-та, а зачленувањето во истите, како и задолжувањето со книги беше бесплатно за љубителите на пишаниот збор.
- Овие две читални не прават никаков трошок, затоа што самите книги ги донираат ентузијасти. Се плаќа само кирија, сметки и по еден вработен. Еве, разбрав дека сопственикот на локалот каде што е „Славко Јаневски“ ќе го издаде просторот за кафе-бар. Младите нека се изложат само на обложувалници и коцкарници, нема потреба да знаат дека постојат библиотеки. Ова е градено со месеци со голем мотив и сега наеднаш треба да згасне - ни рече иронично еден читател.
Од читалните не знаат што да прават со големиот фонд на книги, меѓу кои има и скапи дела, бидејќи тие не се во сопственост на општината и немаат свој простор каде да ги остават ниту пак начин како да ги вратат назад кај донаторите. Ни рекоа дека кај нив се организира и доделување на книжевни награди, чиј конкурс за следната година виси.
Станува збор за две читални кои имаат околу 1.000 членови-читатели. „Славко Јаневски“ се наоѓа на булеварот „Димитрие Чуповски“ додека „Ацо Шопов“ е во трговскиот центар „Беверли хилс“ во Капиштец.
Информацијата ја потврдија и од општина Центар, од каде што велат дека мора да се крати од буџетот бидејќи приходите ќе бидат намалени, иако се работи за незначителен трошок.
- Во следните три години предвидени се помалку пари во општинската каса, поради мораториумот за градби, така што ќе има помалку пари од комуналии и поради тоа мора да се крати на вакви работи. Ние не се откажуваме и ако има пари во иднина, повторно ќе ги отвориме- ни рекоа надлежните.
Александар Кузмановски
Можеби ќе ве интересира
ИВОР МИЦКОВСКИ: Ако успеат да не коалицираат со ДУИ и да направат нешто..., ВМРО-ДПМНЕ ќе газат со години
(ВИДЕО) Ечат македонската химна и народни песни на скопскиот плоштад
НАЈНОВИ РЕЗУЛТАТИ ОД ДИК: На обработени 90,49 отсто гласови - Давкова 326.310, Пендаровски 162.678
„СТЕВЧО ЈАКИМОВСКИ СОБРА ПОВЕЌЕ ПОТПИСИ ОД ГЛАСОВИ“: Доктор Беќаровски за изборниот резултат на градоначалникот на Карпош
ГРУБИ БАРА ОСТАВКИ - од Изет Меџити, Арбен Таравари, Билал Касами, Африм Гаши
„БЕВ, СУМ И ОСТАНУВАМ ЛЕВИЧАР!“ Ванковска им честиташе на победниците, но најави дека новиот претседател допрва ќе се соочи со нејзините предвидувања
МИЦКОСКИ: ОВАА ВЛАСТ ПАЃА, ЦРВЕНИОТ КАРТОН СЛЕДУВА НА 8 МАЈ - се слушнав со Таравари и му посакав идна Влада во Македонија
„СЕ ГЛЕДАМЕ ЗА ДВЕ НЕДЕЛИ, ЌЕ СЕ БОРИМЕ ДОДЕКА НЕ ПОБЕДИМЕ“: Ковачевски рече дека се надевале на подобри резултати
Пендаровски: ВМРО-ДПМНЕ не е сигурен во победа во вториот круг
