15 Септември, 2019
0.0180

Се зголемува бројот на пчелни семејства

Објавено во: Агробизнис 11 Октомври, 2012

Пчеларството во  последните години бележи нагорен тренд во однос на пчелните семејства. Според податоците од Министерството  за земјоделство, шумарство и водостопансто, во споредба со 2005 година кога имало 110 регистрирани пчелни семејства, сега бројката е зголемена на 14.000 пчелни семејства. По повод манифестацијата  “Денови на македонското пчеларство”, што по 15-ти пат се оджува во Битола, денеска на едно место се собраа македонските пчелари и научни експерти во пчеларството. - Македонскиот мед е еден од најквалитетните, не само кај нас туку и во Европа. Треба што повеќе да се произведува еколошки односно органски мед и во таа смисла ние како Влада правиме напори за зголемување на бројот на пчелни семејства. Во изминатите четири години доделивме околу 5,5 милиони евра за развојот на пчеларството со што упативме јасна порака дека и понатаму остануваме посветени и партнерски ориентирани кон производителите на мед. Пред неколку денови го промовиравме законот за земјоделски задруги и задоволни сме што пчеларите го поддржуваат овој проект и дека со здружување ќе можат да произведат производи со дополнителна вредност, изјави заменик министерот за земјоделство, Зоран Коњановски. Годинава на собирот во Битола кој ќе заврши на 14 октомври, освен пчелари и  експерти, ќе има и гости од повеќе градови од Македонија, кои на покана на пчеларското здружение „Нектар“ - Битола ќе одржат и работилница и тркалезна маса на теми поврзани со иднината на пчеларството.    

Можеби ќе ве интересира

Турска делегација утре ќе бара од Заев да се зголемат квотите за цитрусно овошје

Турска делегација утре ќе бара од Заев да се зголемат квотите за цитрусно овошје

Димковски: Со конкретни мерки создаваме услови за развој на лозарството

Димковски: Со конкретни мерки создаваме услови за развој на лозарството

КОЛКУ ФИНАНСИСКИ СРЕДСТВА ДОЛЖИ ДРЖАВАТА НА МАКЕДОНСКИТЕ ЗЕМЈОДЕЛЦИ

КОЛКУ ФИНАНСИСКИ СРЕДСТВА ДОЛЖИ ДРЖАВАТА НА МАКЕДОНСКИТЕ ЗЕМЈОДЕЛЦИ

Владата исплати по еден денар за килограм грозје

Владата исплати по еден денар за килограм грозје