СЕ ЗГОЛЕМУВААТ ПЛАТИТЕ ВО СЛОВЕНИЈА: Колку ќе заработуваат полицајците, лекарите, наставниците?

Добивај вести на Viber

Во Словенија се зголемуваат платите за наставниците, полицајците, лекарите. 

Почетната плата на полицаец ќе биде 1.636 евра бруто, што е зголемување за 34 отсто во однос на претходниот износ (1.219 евра). Се зголемува и почетната плата на висок полициски службеник, од 1.372 на 1.788 евра бруто. Почетната плата на професионален војник ќе биде 1.636 евра. Почетната плата на наставникот ќе изнесува 2.135 евра бруто, што е зголемување за 28 проценти.

Почетната плата на медицинска сестра акушерка ќе биде 1.736 евра бруто. Лекарите специјалисти ќе добијат 4.884 евра бруто. Платата на научен соработник се зголемува на 3.426 евра бруто.

Буџетот за плати во јавниот сектор до 2028 година ќе се зголеми за 1,4 милијарди евра. Просечното зголемување на основните плати се проценува на 19 отсто, што би изнесувало околу 380 евра бруто по вработен.

За работниците на кои сегашната основна плата им е помала од минималната, покачувањата ќе бидат уште поголеми. 

Зголемувањето на платите ќе се спроведува постепено, на шест рати, а првата рата ќе биде на 1 јануари 2025 година, а последната на 1 јануари 2028 година, објави РТВ Словенија.  Од земјите во поранешна Југославија, Словенија има највисоки плати. 

foto freepik.com'claudiodiv