Седница во Охрид: Се усвојува планот за уривање на дивоградбите
Објавено во: Македонија 08 Август, 2019
Денеска претпладне продолжува седницата на општина Охрид на која најверојатно ќе се разгледува планот за справување со огромниот број на дивоградби во градот. Доколку се усвои планот, прво сите нелегални угостителски објекти на потегот од Ј’но до Канео ќе треба да се урнат, а до 1 февруари ќе треба да се урнат и останатите дивоградби кои ќе бидат регистрирани како критични.
Тоа значи дека советниците на локалната самоуправа денеска ќе треба да одлучат дали и кога ќе ги уриваат дивоградбите што го загрозуваат статусот на заштитено подрачје од УНЕСКО.
Претходните апели беа да нема селективност и да се отстрани се она што комитетот на УНЕСКО го обележал како опасност за природно- културното наследство.