Села: Ако не се прифатат барањата може да создадеме и албански парламент во Македонија

Добивај вести на Viber

За сериозноста на политичката, а сега и институционална криза доволно говори и досега најцврстиот став на струшкиот градоначалник Зијадин Села кој смета дека ако ваквата состојба продолжи Албанците во Македонија може да формираат и свои институции што секако е знак на ирендетизам.

Лидерот на Алијансата за Албанците Зијадин Села изјави дека ако не се реализираат барањата на Платформата на Албанците, тогаш постои можност да се формира и албански парламент во Македонија.

Села за ТВ21 рече дека ќе влезе во коалиција со СДСМ на Заев само ако оваа партија претходно донесе Закон за Албанскиот јазик, повторно се расправа за Буџетот и ако се продолжи рокот за активноста на СЈО, а потоа ќе дојде време и за промена на Уставот.

„Ако не се прифатат овие барања, Албанците ќе ги бојкотираат изборите и ќе формираат свои институции, меѓу кои и албански парламент во Македонија“ вели Села од Алијансата. 

Исто така ако се оди на распишување на нови избори Села ќе ги повика Албанците да ги бојкотираат бидејќи кризата мора да се реши со конечен договор, а не одредени политичари да им биде спасувана главата.