„Шарена револуција“ ќе организира собир за поддршка на СЈО

Добивај вести на Viber

Во понеделник пред Собранието од 17 до 20 часот ќе се оддржи собир за поддршка на Специјалното јавно обвинителство. 

Организаторите од „Шарена револуција“ велат дека и по летните одмори, СЈО повторно е под каконада на режимските глсноговорници. 

„Власта со кој се уште управува обвинетиот Груевски ја користи секоја прилика за да ја блокира работата на оваа институција. Судиите од тефтерот на Горде продолжуваат да ги одбиваат барањата за притвор, го укинаа единственото кое беше прифатено и го вратија едниот Обвинителен предлог кој СЈО го поднесе до кривичното одделение, поради причина која не им е проблем кога постапуваат по предметите на Зврлевски. Уставниот суд сè уште нема закажано седница на која ќе се разгледува Иницијативата за уставноста на СЈО. Пратениците од ДПМНЕ одбиваат секаква поддршка за СЈО. Одбиваат да ги донесат потребните законски измени за заштита на сведоци и свиркачи, одбиваат да го продолжат рокот за работење на СЈО, а собраниската говорница ја користат исклучиво за дискредитација на Катица Јанева и институцијата која ја претставува. Владата зад која сè уште стои обвинетиот Груевски, продолжува да остава на високи функции луѓе кои се под истрага за сериозни кривични дела од страна на СЈО“ - стои во повикот објавен на социјалните мрежи. 

На СЈО повторно му е потребна нашата помош, пишуваат од „Шарена револуција“. Оттаму велат дека не смеат да дозволат  режимот да помисли дека оваа институција барем за момент е без силната, здружена и одлучна поддршка на граѓаните!