ШЕСТ ДОЛГИ КОЛОНИ ВОЗИЛА НА ГРАНИЦАТА СО ГРЦИЈА: На „Богородица“ се чека со часови
Објавено во: Македонија 14 Јуни, 2025 07:39
Граничниот премин Богородица утринава е преполн со возила од Македонија, Србија и од Косово. Шест колони возила се протегаат кон грчката страна, а патниците чекаат со часови за да продолжат кон своите летни дестинации.
Најголем дел од патниците одатна одмор, а дел од нив се на пат подолго од 12 часа.
„Тргнавме од Суботица вчера, возевме цела ноќ, и сега стоиме веќе повеќе од час и пол. Сепак, не се жалиме, ова ни е како кратка пауза да земеме здив пред да продолжиме кон Халкидики,“ вели Александар, турист од Србија.
За други, чекањето во жештината е понапорно.
„Имаме мали деца во автомобилот и не е лесно да се стои вака во место. Се обидуваме да бидеме трпеливи, ама навистина е напорно,“ изјави една скопјанка која со семејството патува кон Паралија.
Зголемен обем на сообраќај се очекува и во наредните денови, па надлежните апелираат граѓаните да бидат трпеливи, да носат доволно вода и да патуваат рано наутро или доцна навечер кога температурите се малку пониски.
Можеби ќе ве интересира
„ОЧЕКУВАМЕ ВАЛКАНА КАМПАЊА“: Апасиев вели за изборите ќе се истурат многу пари
ФАКТОР НА ДЕНОТ: Напаѓачот на Данела Арсовска од куќен е однесен во ефективен притвор
Филипче: Владата сака да биде најдобриот ученик, а за сега има само единици
АРСОВСКА: Чешко државјанство имам од раѓање, родителите не можам да си ги изберам
АРСОВСКА: Јунаци, лавови, нешто да бекневте за криминалот од стотици милиони евра со фалсификати и перење пари на Ганиу?
ОД УДАР НА ГРОМ СЕ ЗАПАЛИ БЕЛАСИЦА: Гори на тромеѓето меѓу Македонија,Грција и Бугарија, соопшти Михаилов
Повикот истекува в четврток, имало голем интерес за сезонски пожарникари за плата од 24.000 денари
Напаѓачот на Данела Арсовска заминува во притвор, одлучи Кривичниот суд
