ШИЛЕГОВ ЌЕ ПРАВИ ОТВОРЕНА ЛЕТНА СЦЕНА НА МЕСТОТО НА УНИВЕРЗАЛНА: Објавен конкурсот

Добивај вести на Viber

Конкурс за избор на идејно архитектонско и хортикултурно решение за отворена летна сцена со парк „Универзална“, објавил град Скопје пред три дена. Колку ќе чини реализацијата на проектот не се открива во огласот, затоа што сега се избира идејното решение. За тие кои ќе го понудат се предвидени награди, односно 180.000 денари за првонаграденото решение, 120.000 за второт и 60.000 денари за третонаграденото решение. Идеите треба да се достават до 28 август годинава.

Веќе е избрана и жири комисјата која ќе ги оценува решенијата. Во неа членуваат Маја Дончева, Бесник Осеку, Снежана Митоска, Александар Јанакиески, Аљоша Шопар и Никола Наумоски.

Лани во јули Владата му додели средства на Град Скопје за Универзалната сала. Сепак во меѓувреме стана ајсно дека салата нема да се реновира, туку е можно да се дислоцира. 

Во согласност со програмата на Владата за капитални дотации во локалната самоуправа во областа на културата за 2019 година, на Град Скопје му се доделени 30 милиони денари за реконструкција на Универзална сала.

Градоначалникот Шилегов, инаку вети стартување на процесот на изградба на Универзална сала веднаш по добивање на градоначалничкиот мандат уште во време на предизборието за локалните избори во октомври 2017.